قالوا تحبه قلـت ماهـوب بالحيـل
بس انه أغلى شوي من نـور عينـي
يسوى جميع الجيل الأول وهالجيـل
أحبائـي الماضيـيـن والمقبليـنـي
شوقي له أعظم من ظما الأرض للسي
وأشفق عليه أكثـر مـن أم الجنينـي
وأحتاج له حاجة ثرى مصر للنيـل
وعليه أغار ولو من مـا للوالدينـي
أشتـاق لـه شـوق المحبيـن لليـل
وأرتاح له راحـة دمـوع الحزينـي
لا صار جنبي لو سنه وقتـي بخيـل
ولا غاب لو لحظات صارت سنينـي
قالوا يحبك قلـت هـذا هـو الويـل
ما ودي أنشد ثـم رفضـه يجينـي
وأهدم رجأي بدبرتي مثل مـا قيـل
والأفضل أحيا بالأمـل لـو لحينـي
يا حبكـم يـا نـاس للقـال والقيـل
والأمر لـو سهـل يصبـح مهينـي
خلوني أحيا في الوهـم يـا عواذيـل
وش دخلكـم والأمـر بينـه وبينـي
المواضيع المتشابهه 
قالوا تحبه 
رد: قالوا تحبه 
العرض العادي
