السلآم عليكم ورحمة الله وبركآتهـ
خلف مشعان العنزي اثنآء منآفسآت شآعر المليون قآل بيت شعر من بآب التحدي وليس التعدي الا وهو
البيرق اللي مع ابن فطيس = ماني خلف كان ما جيبهـ
ليأتي بعدهآ ابن فطيس في حركهـ شعريه لم نعهدها عليه ويدفن قصيدته اثناء استضآفة برنآمج شآعر المليون لهـ ببيت شعر يقصد به خلف مشعآن
الذي هو
الذيب كآنه ذيب يدرع بالذيآب = ويخلي الغنم للضبع العويق
رداً على بيت الشعر لخلف مشعان
ايه الشجآعه تغلب الكثره وانا اعطيك الدليل = الذيب يدرع بالغنم ولا يحسب حسآبهآ
ليأتي بعدها ابن فطيس ويكتب قصيده مرسله لخلف مشعآن
ولكن تفآجأ برد خلف مشعان الذي كان اكبر واعقل من طيشآن ابن فطيس
اليكم القصيدتين
يالله يا آمر وناهي على الكون
يامن لأجله خاشعٍ في صلاتي
يامرسل طه وعيسى وذانون
ياعالم في سيتي وحسناتي
يامقدر مثلي على قول متكون
يامن بعفوه ماتشتت جهاتي
اعوذ بك من كل حاسد ومفتون
خناس ناس للخطأ ماتحاتي
اعقلهم اللي في تلباس مجنون
يكشف خفايا سوءته لا سواءتي
يكفيني أني فوق ماهم يظنون
نبّحاهم ماهز خرقة عباتي
أنا غديق الغيث في غصن زيتون
تشهد فلسطين على مكرماتي
أنا الرهيف اللي على الحد مسنون
كلن عرف في ماقفي وعطياتي
أنا محمد زبن جايع ومديون
مانا تمدح لين تظهر لهاتي
ماني من للي في لحضاير يقاقون
ولا شفت نفسي عنترة والزناتي
ياخليف بن مشعان ماهي بهالون
تزم راسك وأنت حسب شوهاتي
تجر قيفانك على البست بلحون
وأنا كريم ماسجعت أغنياتي
لانتبع الغاوي ولا نزغ ملعون
نبراس فكري من يقود اخطواتي
ياخليف بن مشعان بتهون بتهون
جري معك والله ماهو شهاتي
وهذا رد خلف عليه مع المقطع
مانيب من ياتي على شان يدرون=أنا الذي يدرون به قبل ياتي
نجمي سطع من غير بيرق ومليون=قليل في جيلي يسوي سواتي
ماجيت أهايط بس لازم تعرفون=مازعزعت بعض السوالف ثباتي
لو شلت في قلبي مثل مايشيلون=ماكانت الطيبة من ابرز صفاتي

يامحمد ابن فطيس وش فيك مشحون=ماخطيت يوم اني حسبتك لقاتي
ابـ اطفي الفتنه وابي انشدك وشلون=اسلم من الضيعه واجمع شتاتي
الناس معها عقل ، ولسان ، وعيون=وقدامهم كزيت يمك وصاتي
ماجيتك ببيت مع الشعر مدفون=جيتك على وضح النقا ياغناتي
ماني من اللي في قفا الناس يحكون=عيب على الحق خويي حصاتي
اللي ليا قفيت عنهم يهدون=ماهم بكفو لرجعتي والتفاتي
سكرت اذاني عن وكالة يقولون=وذكرت لي بيت يفسر سكاتي
الله يجيبك من بعيد اليا دون =والله يحطك باللقا من تلاتي
واعتقد رأيتم فرق الرد وعرفتو معنى الأبيآت اللي بالخط الأحمر
وصح لسآن الشاعريين ابن فطيس وخلف شآعرين لا يشق لهما غبآر
مودتي لكمـــ
سعود بن محمد