السلام عليكم ورحمة الله وبركاته
.
.
.
.
.
اقدم لكم هذه القصيده ..
قرأتها فأعجبتني وأحببت ان تقرأوها
لا اعرف من هو شاعرها ولكني نقلتها وحسب
أترككم مع القصيدهـ..
.
.
.
.
.
..×.دخيلك لا تبوسيني.×..
يابنـت يكفـي دخيلـك لاتبوسينـي=خلاص يكفي تـرى مليـت مشكـورة
وش لك بخدي يابنت النـاس فكينـي=عندي طريقة وهي ماهيب محظـورة
نامي على صدر ابوك وحيل ضمينـي=لو تصبح عظام صدري منك مكسورة
انتي أساساً مكانـك فـي شرايينـي=مشاركـة بالمحبـة والغـلا "نـورة"
ولاهي غريبة علـى مثلـك تحبينـي=لاني أحبـك وانـادي دوم عصفـورة
يابلسم جروح ابوك وفرحـة سنينـي=يامن لها بالضلوع وخافقـي صـورة
أهديت غيرك كلام رويشـد "اعفينـي"=وانتـي لـك بذمتـي "درة وبلـورة"
اموت في ضحكتك وانتـي ذبحتينـي=بلشة .. عنيدة .. وكتكوتة . وشطورة
أن جيت اريّح وانـام الليـل توذينـي=متسلطنة تضرب الجـدران بالكـورة
تلعب على عينـي الكـورة تورينـي=والله ولا سامـي الجابـر وجمهـورة
واليا بكت تنقلـب عنـدي موازينـي=دنياي من دمعها وأن سـال مذعـورة
كـن الـزلازل بصـدري والبراكينـي=قامت تفجر وكـن الـروح مخطـورة
واليا ضحكت قلت أنا بالسوق بيعيني=لو كان سعري ثلاث ريـال معـذورة
والله ما أحسد على ضحكك سلاطينـي=اموالهم في بنوك جنيـف محشورة
انتي حياتي وعمري شمعـة سنينـي=ودي اشوفـك اليـا شيّبـت دكتـورة
ادواي لاجيت لك تعبـاااان ضمينـي=الوصفة اللي تـرد الـروح "عبـورة
القصيده لشاعر كتبها لأبنته حفظها الله من كل مكروه
لكم تحية عطرهـ..
.
.
.
.
.
.
.
المواضيع المتشابهه 
...دخيلك لا تبوسيني... 
العرض العادي
