كيف أطفي الريح بثيابك وكيف اشعلك ... كيف أتنثـّر على جمرك وكيف أحتويك

نقضت ليل الحرير وجيت ما انت لـــ..هلك ... سمـّيت باللـّي فتنـّي بك وقلت ابتديك

هذا أولّ الدرب .. أو هذا الطريق أوّلك ... جيت أتوقّـا عذابات المدى .. واهتديك

شوقي مسافة .. وهمساتك مدار وفلك ... ان ماظميتك غلا .. ياعلـّني ما أرتويك !

إيه أعرفك وأعرف اني من غلاك أجهلك ... مرّات اضمـّك وأخاف إنّي مشبّـه عليك

مـــرّات أشوف بنفسك الوقت واتخيـّـلك ... وانشد كفوفي عن آخر سالفة من يديك

أعنّ لك لو تصبّ الموت .. وأتهيّـلك ... وأجوع لك واتمنّى خنجرك واشتهيك

ما قلت لك .. عمر سيف العشق مايقتلك ... ما تشوفني حي قدّامك وأنا أموت فيك

اشتقت لك قبل أجيك وجيت واشتقتلك ... البارحة طول ليلي بين هذى .. وذيك

ملّــيت جمر انتظارك واستحيت اسألك ... واحسبتني ما بعد جيتك وفكـّرت أجيــك

أثرك بقلبي من البارحة وأنا استعجلك ... واثري نسيتك من الفرحة وقمت احتريك

هذه قصيدة رائعه نعرفها جميعا


تناقلنا ابياتها


لكن من هو كاتبها

هذا سوؤالي

واترك الاجابة لكم ؟؟؟؟