بقلوبنا ياصفـوة الخـلـق ما أكبـرك
........وعرضك تهون الروح والمال دونه

ناقف بوجه الكفر والظلم والشرك
........وقفة شـرف ماهيب وقفة مهونه

انخاك يالمؤمن بربك واذكـرّك
........تكفون جبن الكفر لا تشـتـرونــه

جميع ماتصنع علوج الدنمارك
........بفلوسـكـم ياناس لا تـدعـمـووونه




جيتك ندم كلي من أقصاي لأقصاي
........أدري غلطت وغلطتي حيل مره

جيتك أسوق من الخجل باقي خطاي
........متلبس ثوب الخطا ألف مره

أخاااااااف تقـسـى اوأتعـذب بدنياي
........وانته بعادك محـرق القلب حره

لكن خطاي أصبح سبايب لبلواي
........والمشكله إنك رفضت إتشره




تفارقنـا وصـرنا يـا حبيبـي بالزمـان أغـراااب
وتاهت في دروب الشوق يا عمـري خطاوينـا

تفارقنا ولا ندري عـن الفـرقـا وش الأسبـاب
ظـروف الوقـت ولا خانت أحكـام القـدر فينـا

حبيبي يا بعد كل الحضور ويا بعد مـن غـاب
ترى لـو عـانـدت دنيـاي مـا و اللـه تنـسـيـنـا

أكيـد إنـا تفارقـنـا .. ولكـن مـا نـزال أحبـاب
سكن فينا غلااااك اللـي علـى بعـدك يواسينـا





كل نـور عنـد نـوركـ ..ايتعـرّض لإنكسـار
........وكل دار في مساها لا ظهـرتي تستنيـر

انتي شمس من ضـيـاها بدلــت ليـــــلي نهــار
........وانتي اللي في ظلالكـ اتقـى شر الهجيـر

انتي شمـسي انتي ظلي انتي كلي باختصـار
.......لو تغيبي عن عيوني يا عسى عمري قصير




مـا وحشــتكـ ؟!ياللي بعيــونكـ مواني غربتي
........كنت اظنكـ نار تشعل بي حكــايات الحنـيــن

جيـت ادور في غيـابكـ عن بقــايا ضحكتي
........عن دفــاترنا القديـــمه بين آهـااات السنيـن

سكـر ابـــوابكـ .. وراح امـسـح بقـايا حـيـرتي
........دام ماضينا سراب .. وحبـنـا تشكيـل طين




أبيك الجـــاي من عمري انا ما بيك شي وراح
ما دامك اجمـل واخر ما دامك اول أحبابـــــــي

أبي أرتاح يا عمــري انا ادري هم تبي ترتاح
تعال وقبل ما افرح ترى تفـــــرح بك ثيابـــي

أحبـــك يا بعـد عمـر الحـزن والجـرح والافــراح
أحبــك كثــر ما نامـــت عيونـك داخـل هـدابي





هـلا باللـي وجـوده لـي بهالدنيـا حيـاة ومــوت
هـلا باللـي إذا مــا قــد قتلـنـي مــا اطلـبـه ديّــه

أنـا عقبـك تملكنـي بعـد كـثـر الـكـلام سـكـوت
وكـل مـا طــوّل غيـابـك أشـوفــك للـقـمـر ضـيّـه

رغم صمتي أحس اني أنادي لك بأعلى صوت
ألا يـا غايـب ارجـع لـي ورجّـع ضـحـكـتـي لـيّـه




فارقت كل الخلق من بعد فرقاك
........مالي سوى طيفٍ مع الفجر يسري

عيني غشاها الدمع لا حل طرياك
........غصبٍ علي حبك مع الدم يجري

ساعدني أبعد عن همومي وذكراك
........ساعدني أطوي كل جرح بصدري



ياخذ الحزن مني كل ما يشتهي
........بس لا يقترب لحظات من روحها

كن الايام فـــ عيوني بدت تنتهي
........بين صمت الدموع وبعثرة بوحها

أجمل انسانة مرت فــ عمري وهي
........أصدق انسانة غنت من جروحها





لو يباع المستحيل وربي اوّل مـن شـراك
........لو يباع المستحيل ابيع عمري لك عجـول

بايع عمري عشانك بايع كلّش فدااااك
........خاربه ثم خاربه شوفي حروفي لك هطول

ياقمر نوّر سماي واسعد الله لـي مسـاك
........يامسا رمشة هدبكْ وياصباح لي شمول



علامك كل ما جيك متواضع جيتني تختـال
........معاك اليا متى بـصـبـر وصـبـري مـعـك يـحـلالك

مثل ما اقبلت لعيونك لزوم تلد لي باقبال
........ومثل ما قد حشمتك حس واحشم قلبي اشوى لك

أنا محدن بجابرني أساير معك هالمنوال
........تـرى لانـي تـبـيـع لـك ولا نـي باصـغـر عـيــالك




ناسن تعيش الموت في نبض الحياه بلا كفـاح
........وناسن تمـوت وللحـيـاه كـفـوفـهـا صـدرن نـدي


ياصاحبي لاتنشد النسيان عن نقـض الجـراح
........دامي حفظتك حـفـظ منهاج الحروف الابجـدي


والله ليفنيك احتضار الروح وعـظـامـك صـحـاح
........واعيش في نبضك مثل حلم الخيال السرمدي




أنا من ورد عيونه على شوفك وضاع الشوف
........لأن الشهم مايرجع بشي غالي وهومهديه

أماااااانه قلبك الوافي تحفظه لو تجيك ظروف
........لأن قلبك بلا نبضه يضيق بعالمه مغليه




ارجوك تسكت لا تكلم ولا بحرف
........مالك عــذر مالك كــلام تـقــوله
ياشيـخ اسف وين بلقي لها صرف
........ماداااام قلبك انكشف لي ميوله
ياما عيوني اذرفت دمعها ذرف
........وياما سهرت الليل اشتاق واوله
راحت حياتي وانا من جرف لي جرف
........وانا احسب ان الحب هذي اصوله
انـا دخـيـلـك ودي الـيــوم اعــرف
........وشلون تنساني بهذي السهولة؟؟
هي الخيانه والكذب عندكـم عرف
........او الوفاء في هذا الزمن ما تطوله





احبـك والولـه فينـي يبـان بنظـرة عيـونـي
........احبك يانظر عيني وانا لـك عاشـق ولـهـان

انا يا من سكن قلبي بحبك صرت مجنوني
........الا ياليت تسقيني من اشواق الوله عطشان

كلامك رقتك طيبك وضحكاتك ينسوني
........همومٍ عايشـه فينـي تعـذب قلبـي الحيـران




المشاااعر ماهي كلمه تنتهي بوصف الشعووور
لو اقووووووول اني فقدتك ما اظن قد قلت شئ

المقادير أرعبتني والـوله صـوتـه جــسـوووور
والفجر دونك ظلام تسكـنـه اشـبـااااح ضئ

وش اسوووي في فراقك كيف يوصلك الشعور
أني بدوووووووونك حقيقه فااااااااااااقد كل شئ




تـعـالـي مـنـيـتـي رشـفـة نـبـيــذ الـحـب وســط شــفــاك
تــبــلـل حــســي الــضـــامـي وتــرســـم لـي بــدايــاتــي

تـعـالـي وإحـضــنـي صــدرٍ مـلاه الـهــم مـن جــفــواك
تـعـالـي وكـفـكـفـي دمـع ٍ يـكــشـف سري وسـكـاتـي

تـعـالـي لـعـنـبـوا حـيـك بـعـيـش الـعـمــر فـي رجــواك
وأبـعــزف حــبــك بـشـعــري وأخــلــد فـيــه نـغــمــاتـي

لـك الـلـه مـا لـهـا مــعــنـى حــيـاةٍ مـا بـهــا طــريـاك
يــمــوت الـلـيـل بــحــضــورك وأنــســى كـل دمــعـاتـي






طال السفر وحبي لكم زادواشتقت
........لأيامنا الحلوه ومركب غرامك

قلبي معك ياشوق من يوم غربت
........مصاحبك في يقظتك وفـ منامك

متى تبي ترجع ترى حيل طولت
........ياحيف حتى ما وصلني سلامك





ما تذبليـن انتـي بـدمـي نبـتـي
........وأوراقك الخضرا نمت بين الأهداب

أقراك نور وفي العيون انكتبتي
........وبين الزمان وبيننا كلمة عتاااااب

عرفت معنى البعد من يوم غبتي
........ومعك عرفت ان الهوى كله غيااااب





كلن يغيب وغيبة الكل عادي
........الا غيـابك لعـنـبـو جـدّه غـيـاااااب
ان غبت كن الكون صايررقادي
........وان جيت ترقص لك محاجيروأهداب





وش قيمة الحب كان القلب ماشالك
........وأرسـى على قمة أعماقي منازيلك

أنا وروحي وعذب الشعـر جينالك
........والقلب نبضه معك ويقــول كلي لك

والشعــر مرسالي المخلص ومرسالك
........والقلب مهـما قست الأيام وافي لك



جيتك بقايا حلم في شط الأسهاد
........وانتي غيوم ولهفتي لك صحاري

في جيتك تزهر مسافات وبلاد
........وتنبت بذور الحب داخل مداري

وفي غيبتك ما للشفق حلم وبعاد
........خانت نجوم الليل كل المساري

وللصبر حد وللرجل شيمة أجداد
.......وما تعشق القمرى هوى كل ساري