بعض البشر ودك تحطه على الراس
... من طيبته وأرقى معاني كلامــــــــــــــه
وبعض البشر ودك تحت رجلك يداس
... غدار طبعه والكذب هو نظامـــــــــــــــه
مايختلف عندي هنيدي ودواس
... حنا جمعنا دين عز وكرامـــــــــــــــــــه
الشخص ماهو بنسل الأجداد ينقاس
... وقول النبي يا هيــــــــــه اكبر علامــــه
كل البشر بالأرض من كل الاجناس
... هندي .. كويتي .. او سعودي بإقامــــه
مثل الجسد واحد من الساس للراس
... إلا التقي ربي بيرفع مقامـــــــــــــــــــه
لا ينتفخ صدرك ورااااخي بالانفاس
... ولا يرتفع راسك عشان السلامــــــــــه
هذي نصيحه مني بسعر الالماس
... درب الغرور يوصْلك للندامــــــــــــــه
أحلم بدنيا صافيه مابها باس
... وشعار وااااحد نرفعه فوق هامـــــــــه
الله واكبر من هنا لارض تكساس
... يشرق بها وقت ٍ عمانا ظلامـــــــــــــه
وتزهر قلوب ٍعقب ماهي بيباس
... وتجلى بها عن ذا العيون الغمامــــــــه
واللــه قلبي من هْذا الوقت محتاس
... كل ٍ فدربه مستريح بهيامـــــــــــــــــه
أكبر ذنوب فعينهم صارت بخاس
... الوقت هذا منتكس وش علامــــــــــه ؟؟
أقضي لياليّا توِجّع وهوجاس
... خوف ان ربي يعمّنا بإنتقامـــــــــــــه
ياللـــه ألطف بالغضي وإبعد الياس
... وريّح ضميري الحي قبل ^ إنعدامـــه ^
منقــــــــــــوووول
المواضيع المتشابهه 
الوقت هذا منتكس ... وش ... علامه!!!! 
العرض العادي
