كيف اتصور حياة من غيرك
وكيف تكون الدنيا دنيا من غيرك
وانا اللي مبتدي عمري بلحضة لقاك
وكيف يكون عمري عمر بلحضة بلاك
الأيام أنت اللي تسميها
والأسابيع شهور أنت اللي تخليها
والسنين اللي تنكتب من عمري ترى ما غيرك يحليها
دنيتي من غيرك ولاشي
تصور انسان انولد في صحرا بلا شي
كيف تكون لاشي مثل كل شي
تصور الدنيا بدون آمال.. بدون أحلام.. بدون احساس
لا وربي مقدر اتصور دنيتي من غيرك يا اعز الناس
أنا أعيش بقلبك
وطريقي ما يصير أخضر ألا لما أكون بدربك
قبلك أيامي كلها دموع
وظلمة حياتي ما بها شموع
قبلك قلبي ما يحس بنبضه
وقبلك كلامي ماهو على بعضه
أنا بدونك أموت ألف موت
تجيني المنية ولا احد يسمع لي صوت
نجمة أنت في سماي
وانت بعروقي كل شي دم وماي
انت الحلم وانت العشق
انت في حياتي اروع ما انوجد في قلبي من صدق
انت من ودي اكون دوم بقربه
وانت اللي ما يقبل قلبي غيرك من حبه
سلبت عقلي بالحلى وسلبت روحي بالوله
انت القمر اللي كنت اناظره في السما وما كنت اظن اني اوصله
قمر يفرش لي بالحرير دروب من بين اياديه
ولا غير خدوده الورد اللي اشمها وتريح القلب وتراضيه
أذوب بعيونك الي كنها قصة بخيال
خيال الجنة وأبعد بعيد من ذاك الجمال
الحياة ولاشي بدون عيونك
~ أحـــــــــبك ~
وغلاة كل اللي يحبوني ويحبونك
المواضيع المتشابهه 
الحياة بدونك ولاشي ~, 
العرض العادي
