يـا سيـدي قـدرك عـلـى الــراس والله
وما عاش من يجرح شعورك ويبليـك
مـن يجرحـك سيـف المـراجـل نسـلـه
ونلحـفـه بأكـفـان لأجـلــك ونـرضـيـك
ولا يزعـلـك ارجــوك لا جـــات زلـــه
من غيـر قصـد ٍ مـن حبيـب ٍ يراعيـك
بَـعْـدك سـطـا بالقـلـب عشـريـن عـلـه
وخيّـم عـلـي الـحـزن والعـيـن تبكـيـك
ضـاق الفضـا والـريـق مـااقـدر ابـلـه
وانْـشـل تفكـيـري سبـايـب دعـاويــك
والقلـب عقـبـك يصطـلـي فــوق مَـلـه
والنوم عفتـه يـا عسـى الـرب يهديـك
ســر الـغـلا محـفـوظ يــا زيــن كـلــه
فـي خزنـة ٍ مـن دون بـاب وشبابـيـك
مفتـاحـهـا عــنــدك ولاحــــد ٍ يــدلــه
لأنــك ملـكـت القـلـب والقـلـب يفـديـك
قــلــب ٍ بـنـالــك دولـــــة ٍ مـسـتـقـلـه
انــت الـمـلـك تـامــر وقـلـبـي يلـبـيـك
قـلـب ٍ حـشـا مـايـبـوح ســـر ويـفـلـه
ويصون عهد الحب .. يدرى مساويك
خلـك مـعـي يــا شــوق قلـبـي وظـلـه
ولا تسمـع الواشـي ونــاس ٍ تعـاديـك
ولاتـحـرق اعصـابـك ودمـعـك تـهـلـه
وانــا حبيـبـك يــا بـعـد روح مغـلـيـك
هــذا شـعـور القـلـب والـحـزن خـلــه
ارجـع لقلـب ٍ مـا يـبـي غـيـر طـاريـك
وان كـان تبغـى رضـاي دربــي تـدلـه
تـعــال لـلــي وســـط قـلـبـه مـبـانـيـك
ومـا اظـن قلـبـك دام انــا عـانـي ٍ لــه
يرفض عذر من فـي حياتـه مصافيـك
وعـنـدك خـبـر انــك حـبـيـب ٍ امـدلــه
وعنـدي خـبـر ان التـواضـع مبـاديـك
ومثـلـك يسـامـح يــا الـغـلا كــل زلــه
من صاحـب ٍ طـول العمـر ميـت ٍ فيـك
المواضيع المتشابهه 
0 ( لاتحرق اعصابك)0 
العرض العادي
