الوطن نعمة كريم ٍ خصها جـود الجـواد"
"بسمه الخالق تكوَّن نصر الأجـداد الاكيـد
في التقدم والخضاره دوم تهوى الإزديـاد"
"والكرم والخير فيهـا زايـد ودايـم يزيـد
ديرتي ارض الجدود ارجالها قرومٍ شـداد"
"كلهم عز وشهامه ترهب الخصـم الشديـد
يوم حافل في بلادي دوم يستهوي الفـؤاد"
"في نهاية كل عام ٍ في بلادي يكـون عيـد
اعتلت حمر البيارق فوق هامـات البـلاد"
"واشرقت شمس الحضاره تعلن العيد المجيد
كل طفل اليوم يزهى لابس ثيـاب ٍ جـداد"
"وكل طير اليوم غرد عازف اللحن الجديـد
البحر يفرح لجلهـا والدليـل المـوج زاد"
"والشواطي تلتقي بكل التهانـي ثـم تعيـد
كل نجم وكل كوكب اشتعـل حـبٍ وعـاد"
"في هوى البحرين دايم يلتقي الحب الزهيد
عزها شيخ ٍ كريم ٍ زاد عزمـه ثـم قـاد"
"ديرتي البحرين كلهـا للشمـوخ وللمزيـد
قادها قرم ٍ سنافي ما عرف يـوم ارتـداد"
"صانها من كل شر ولجلها حصـن ٍ حديـد
من زرع مجد ٍ حصد مجدٍ فميعاد الحصـاد"
"ما على مثله مخاف ولا هو للمجد الفقيـد
للوطن هذه دمانـا مـا تخـون ولا تقـاد"
"يد وحد وقلب واحـد راينـا راي ٍ سديـد
باركو لبلادي في يوم عيدها فديتها وفديت ترابها
الله يخليها لنا ويحفظها ويحفظ ملكنا ويطول في عمره
ويديم السلام والمحبه بين أهلها مو بس اليوم إلا دوم
والله يزيد المحبه بينا وبين دول الخليج الشقيقة ويوثق
علاقتها ودوم محبتنا وتعاونا والله لا يفرقنا
فتحت هالموضوع عشان تباركون حق ديرتي في يوم عيدها
يلا راوني همتكم ومحبتكم حق البحرين وأهلها
12-11-2007, 01:29 PM
يوم الاحد عيد الوطني لمملكة البحرين باركوا لها 
