اختي نوره
انا ماحطيت حرتي فيكم ولا شبيت عليكم ولا تعديت وأسأت لأحد منكم ولا تطاولت بالكلام على الانثى انا فقط اكتب عن الشي اللي أشوفه صحيح
اختي نوره
مسألة انكم نصفنا الثاني فهذي بلوى من الله نحمده و لايحمد على مكروه سواه ههههههه ((ترا امزح)) بالعكس هذا شرف كبير لنا ولكن اذا صلحت الانثى صارت نصفي الثاني وأصلحتني معها لكن ان فسدت فلا والله ماابي هالنصف وأعيش العمر بالنقص لين الله يفرجها.
اختي نوره
صحيح انتم ماتعرفون تضربون وتطقون لكن تعرفون تجرحون بدون رمح وتقطعون بدون سكين وتقتلون بدون سلاح واقوى اسلحتكم هالدمعه اللي انتي محتقرتها ومقلله من شأنها
اختي نوره
ان الانثى تتعاقب على كل تصرف طيش او نزوه منها او اي خطأ فهذا لأنها كبيره في قدرها عندنا وحرصنا عليها ((بديت اناقض نفسي صح )) وارتبط بها الشرف والسمعه لأنها هي اللبنه الاساس في ذلك ((ترا مانتن هينات عندنا))
اختي نوره
مسألة اننا يالرجال عايشين حياتنا ونسرح ونمرح على كيفنا ونحلل لأنفسنا مانحرمه على غيرنا فهذا لفارق التكوين بين المرأه والرجل بدايه من القوامه على النساء مرورا بأعتماد الأسره عليه كمورد من موارد الرزق لها وانتهاء بأنه هوالمسئول عن المرأه وأتحداك تقولين اخوي مو مسئول عني حتى لو كان اصغر منك عدا ان يكون خلل في تكوينك الفطري او تكوين اخوك
اختي نوره
مسألة ان أهلك لو دروا انك تكتبين شعر يسوون سالفه فهذا انا اقول فيه شي من الخطأ من اهلك لأنه لو كان كذلك لما وصل لنا شعر ((بخوت المريه ، مويضي البرازيه , مرسى العطاويه)) وغيرهن من شاعرات الجيل السابق وشاعرات الجاهليه وما وصل لنا شعر ((الراسيه وفتاة الوشم وسحايب خير وعجايب)) وغيرهن من شاعرات الجيل الحالي ولكن قد يكون هذا شماعه لفشل الشعر النسائي وعدم وصوله لمستوى شعر الرجال اما بالنسبه لمنعك من النت فهذا يرجع لأهلك وثقتهم فيك ومدى سقف الثقافه التي يتعامل اهلك فيها معك
اختي نوره
مسألة لو لقوا رقم بجوالك غريب لو بالغلط ذبحوك هذا من حرصهم عليك ومن خوفهم على سمعتك وسمعتهم
امامسألة قائمة جوالي كم فيها بنت فيها بنات كثير اخواتي وخالاتي وعماتي وكم زميله بالعمل فقط للضروره وغيرها يفتح الله
اختي نوره
استخدامك لبعض الالفاظ الخارجه عن نطاق المسموح به يمكن يكون لحماسك الزائد لا اؤاخذك عليه بس لايتكرر اما مسألة المفاخره بين الشباب في ارقام البنات وكثرتهم بجواله فهذا يناقض كلامك انكم ماتكلمون انتم بعد تكلمون ولكم بعد نفس النهج في المفاخره في كثرة الخرفان اللي تعرفون((يعني كلا خيره فيه)) ولا فيه بنات من كوكب ثاني يعرفونهم الشباب
اختي نوره
الانثى حساسه كلمه توديها وكلمه تجيبها مو نقص عقل يسمح للأهل انهم يراقبون البنت اكثر من الولد ويحرصون ان جوالها مايجيه اي رقم لو بالغلط ويمنعونها من النت بعد ويمنعونها من الطلعه مع السواق لوحدها ويحرمونها من امور كثيره ؟؟؟؟ جاوبي صرنا معذورين فيكم ولا لأ
اختي نوره
اذا اخذنا الله وصرتوا لوحدكم من وين لكم خرفان تتفاخرون بكثرة ارقامهم في جوالاتكم وتطبقون كيدكم عليهم؟ ههههههههههههههه
بعدين ترا تعديتي حدودك ودخلتي في منحنى خطير وهو انك كذبتي آيه في القرآن تنص على ان كيد النساء عظيم انتبهي على نفسك ترا من كذب حرف من القرآن كفر انتبهي
اختي نوره
سعدت بردودك والنقاش معاك وارجو ان النقاش هذا مايخسرني محبة واحترام الأخوات الموجودات بالمنتدى واللي اولهن انتي انا احترم المرأه ولا اقلل من شأنها بالعكس ماكتبت هذا الا من محبتي لكم وحرصي على محافظتكم على الفضيله و لا انا ودي المرأه تسوق وتدخل منتديات على كيفها وودي تلبس على كيفها وتخرج على كيفها وتسوي اللي ودها بدون رقيب وبدون حسيب
((اتمنى من الأخوات اللي يوافقوني الرأي المشاركه في الموضوع وكذلك الأخوه بس بدون مجاملات تكفوووووووووون))
اخوكم المحب
عاشق وسميه

الخيانه ماهي لطرف واحد الخيانه غريزه صعب التحكم فيها لا اذا كن الطرف الثاني مريح الحبيب بشتى الطرق ولبي سعادة وبعدها ماشوف لخيانه مكان

مسألة اننا يالرجال عايشين حياتنا ونسرح ونمرح على كيفنا ونحلل لأنفسنا مانحرمه على غيرنا فهذا لفارق التكوين بين المرأه والرجل بدايه من القوامه على النساء ........
قمة الاعترااااف بالخطأ...

(الراسيه وسحايب نجد وغيرهم)
ليش ماتكتب اسمها الحقيقي بكل فخر؟؟ مثلها مثل بدر بن عبد المحسن؟؟

يكفيني هذا الاثبات وعلى المتلقي التامل والانصات

يهمني الوصول باقتناع اننا جميعااا نخطئ ليست الانثى وليس الذكر.......فكلاهما الحياه والمجتمع
فلنحاول الاصلاح فقط.. والاعتراف بالسلبيات

ولك تقديري واحترامي

سكي لين مشكوووووووور على مشاركتك شرفني وجودك في صفحتي وجهة نظرك على العين والراس ونشكر حياديتك
واعتذر عن تأخر الرد

السبيعي مشكوووور على تواجدك الكريم نورت صفحتي ورأيك شرف كبير لنا طرحه بالمنتدى وشرف كبير تواجدك معنا مششكوووووووووووووووووووور

احتي نوروه
انتي ماينتهي معك الجدال لكن
لما اقول فارق التكوين بين الرجل والمرأه هذا هو قمة الصواب وهل امكانياتك المهنيه والصحيه والبدنيه تعادل امكانيات واحد مثلي يالفاغره انتي ووجهك المرأه لها قدرات تنقص عن الرجل بكثيييييييييييييير وهذا ماتحسبينه خطأ لأن هذا هو الواقع ولا تنسين ان الرسول صلى الله عليه وسلم وصف المرأه بأنها ناقصة عقل ودين وهذا هو السبب في تغير التعامل بين الرجل والمرأه
اختي نوروه
الاسماء اللي ذكرتيهم وتقولين ليش ماكتبوا اسماءهم الحقيقيه وبكل فخر فهذا راجع لعقدة النقص اللي انتم حاسين فيها يالحريم ولا الاسماء اللي ذكرتها صريحه عاشت في جيل اكثر جهلا واقل انفتاح من الجيل الحالي ومع هذا عرفت اسماءهم الصريحه لكن هذا خلل فيكم انتم قبل ان يكون فينا
اختي نوروه
مااحد يختلف على ان الخطأ مااحد معصوم منه لكن انا قلت الخيانه ولا تحرفين الموضوع على كيفك يافيصل القاسم انتي ووجهك ((قلبتي الموضوع للأتجاه المعاكس وصرنا بقناة الجزيره))
اختي نوره اشكرك من كل قلبي على تقبلك للموضوع وفتحك لمجال المناقشه بدون تحفظات وهذا دليل وعيك وثقافتك
الله لا يحرمنا منك ومن جديدك وقديمك المتجدد بعد واصلينا ولا تقطعين وقفلي على الموضوع لأنه بدا يأخذ منحى آخر نتركه لموضوع آخر

يعطيك العافية عاشق وسمية ....
اسمح لي أقول الخيانه صفة مشتركة
بين الرجل والمرأة ..
حتى وإن كان كلاً منهما على درجة الكمال
إلا أن البعض يحترف مهنة الخيانة
يستمتع وهو يخون فكأنها أصبحت هواية
عند اليعض...
وبالرغم من صدق حواء وعظم إحساسها
إلا أنها تخوووون...

تعب قلبي كل الشكر لك اجابه من اكثر الاجابات صراحه ووضوح وحياديه وهذا دليل على وعيك وصراحتك المتناهيه
مشكووووووووووووووووره ونورتي صفاحتي وشاكر تواجدك والله لا يحرمنا منك