سلاااااااااااااااااااااااام عليكم
هذي بعض القفشات الحقيقيه لبعض السحالي
1-
تقول الاخت ماعمرها راحت للمطاعم مع اهلها
المهم اول ايام زواجها دخلت مع زوجها المطعم
قال زوجها للجرسون جيبلي منيو.. وسألها وش تبين؟
قالت مثلك ابغى منيو 0بس تكفى لايحط فلفل
زوجها تسدح من الضحك وهي تقول احسبها وجبه او طبق معين
2-
وهذا موقف لوحده بشهر العسل تقول كنت مسافره خارج السعوديه
واشتهيت مطعم عربي الله لا يعيدها
المهم لقينا مطعم لبناني ورحنا له
وحطوا لنا طبعاا قبل ما نطلب زيتون ومخلل
وجا الجرسون واقف فوق روسنا ياخذ الطلبات
وزوجي يقوله الطلبات وانا احاول اصيد الزيتونه بالشوكه
مير تطير الزيتونه وتصقع وجه الجرسون وهو ياخذ الطلبات
قام قال عنا في لبنان ناكل الزيتون بايدنا
عاد مير ما اسكت وأنثبر
قلت غريبه حنا عنا بالسعوديه نصيدها بالشوكه
وماسكها زوجي علي للحين كل ما شاف زيتون قال هاه بالشوكه والا بيدك
3-
وحده تقول انا متزوجه ولد عمي
و أول ما تزوجنا رحنا بريطانيا منها شهر عسل ومنها هو عنده دوره
المهم تقول مره دخلنا المطعم واخذت المنيو وقعدت اناظر الكلام كله انجليزي
وانا ما اعرف ولا حرف بالانجليزي
تقول هو اختار والجرسون واقف عند راسي يحتريني اختار
قالي زوجي تبين اساعدك بالاختيار
قلت ليش طايحه من عينك انا اعرف اختار
المهم تقول اخترت طلب محطوط في اطار وحركات
قلت اكيد هذا شي حلو وقلت ابي هذا
قال زوجي متاكده
قلت ايه اصلا من زمان اطلبه لما كنت اطلع مع أهلي
تقول قالها طيب ابشري وهو يضحك
ويوم جابوا الطلب هو مكرونه وحركات وانا وجبة أطفال !!
4-
هذي وحده تقول اول ما تزوجت كنت ادرس وكان يوديني زوجي للجامعه وياخذني
المهم انا جالسه انتظره وكنت واقفه في الشارع واشوفه بعد كم سياره
المهم جلست استـناه
يوم وصل عندي وانا امشي بغنج
الا واطيح ذيك الطيحه طراااااااااااااااااااااخ
جلست على ألارض ولا اتحرك
وكان الشارع مليان رجاجيل وبنات
واركب في السياره وهو ميت من الضحك
واجلس اصيح قلت ما تعرف تسمي علي
5-
سحليه عجوز ركبت مع سواق سعودي
وكل شوي تعطيه حبة فول سوداني.. لين شبع
قال: ما شاء الله من وين جايبته يا خاله؟
قالت: أبد والله قاعدة أمصمص سنيكرز وضروسي ما تقواه !
هههههههههههههههه
وساااااااامحووووووونا
حكي ومواقف سحااالي 
العرض العادي
