مساكم الله بالخير (( ان كنتم بالمساء )) وصبحكم الله بالخير (( ان كنتم بالصبح))
كل الاعضاء كلهم لا فرق الله شملهم يازيني والله بينهم << وش يبي ذا !!
اخواني وخواتي فيه بعض الملاحظات اللي لازم نتلافها ونتحاشاها من اجل الارتقاء
الى مستوى افضل واحسن ..
و فيه ضوابط لازم نمشي عليها كلنا هنا واتمنى انكم تقرونها وتتقبلونها
برحابتكم المعرووفه
اولا :(( اضافه الموضوع ))
عزيزي العضو البطل الغالي الكريم (( ايوه اديلو من هالهرج السنع ))
قبل لا ترعص على اضافه موضوع تاكد انك ماشي حسب الضوابط الي بهالقسم منعا لاحراجك واحراجي معك
1 _((عدد المواضيع )):
كل عضو يقدر يضيف موضوعين باليوم يعني موب يجي ويسدح اطعش موضوع بوقت واحد قولو ليه : قلتولي لييييه << مهيب عياره ابد .. عشان موضوعك وموضوع غيرك من الاعضاء ياخذ حقه من الردود يعني عندك ثلاث مواضيع او اربع اوكي نزل موضوعين اليوم وموضوعين ثاني من باتسر والباقيات بعدهم بالايام الجايه .. يعني انا اشوف انوا موضوعين يوميا كفايه في منتدى الترفيه والله يكفي بعدين ياخي اعطي الناس فرصه ترد عليك حتى لو كانت كل مواضيعك حلوه وتجنن والله ان نمل من كثرها احنا ما نحاول نحطمك لا بالعكس هذا طريق للنجاح ..راح ينزل اكثر من موضوع يوميا راح احذفه بدون الرجوع له لانه لا بد يكون ملتزم بالقوانين
.. وانشالله الله لا يحدني لهالشي ...
2_ ((المواضيع المكرره والمنقوله)) ...
حنا عاللللللللللم ماتداني المواضيع المنقوله والمكرره tarah نبي ابداعك انت ونبي هسترتك انت عشان تعطو المنتدى حقه ويصير فعلا منتدى الساري بنمره واستماره اما انك تجي وتسوي نسخ ولصق لموضوع واحد نفر بمنتدى ثاني عصر دميتجه لين كتبه وانت تجي تاخذه بارد مبرد مانبي هالشي . tarah . نبي ابداع العضو وبس لان المنتدى شاري العضو المبدع والمهستر ومانبي مذكرات يوميه ومواضيع قصيره كانك تسولف علينا سالفه عاديه لا نبي شي ابداع واقلاع حتى الضياع وموضوع متعوب عليه عشان تاخذ حقك بالردود والتقيم بعد
3_((المواضيع القديمه)) :
احيانا في مواضيع تكون في الصفحه العاشره والعشرين فجأه ترجع للموضوع رقم ثلاثه يعني بعد هذا الموضوع وموضوع ساهي وهذا الشي ما نبيه لانه يقفل الطريق امام المواضيع الجديده ....
3_((الالفاظ ))..
من هالناحيه المفروض مااتكلم بهالنوووقطه واعذروني بس لازم انزل هالنقطه من ضمن القوانين وهو ان الكل ينتبه ويراعي الالفاظ الي بينه وبين خويه واذا فيه اي شكوى او اي استفسار ابد انا بالخدمه في ابلاغ مشرف او رساله خاصه وانشالله مايصير خاطركم الا طيب هنا نبي وساعه صدر نبي ضحك ووناسه والله لا يجب المشاكل لنا يارب
4_ ((المشاركات ))
تبي توسع صدرك تبي تذب على فلان تبي تطنز عليه حبتين ابد وسع صدرك محد بيقولك لا بس بحدود يعني لا تجرحه ولا تمسه بشي يضره ولا تزعله والفرفشه والروح الحلوه والنفس الطيبه اللي معهوده فيكم وموجوده فيكم الحمد لله ومعظمكم ان ماكنتو كلكم من النوع اللي نفسه وروحه طيبه ماشالله .. يعني اضحك على فلان وذب عليه لين تدوخ بس لاتجرحه ولاتمسه.
واخيييييييرن وليس اخرن وهذي من اهم النقط وانشااله الكل راح يلتزم فيها:
هي
اي مشاركه تكون جارحه او مخله في الاداب وتتعارض مع دينا الحنيف راح يتم مسحها ومسح صاحبها وهذي من اهم النقط وانشاءلله ماحد يتعرض لهالشي وانشاءلله كل واحد فيكم احرص من الثاني
تنبيه:
اللي يكتب بمشاركته كلمة ( الله يرجك ) تبي تحذف مشاركته
واذا تكررت من العضو سوف تكتب عليه مخالفه
وسوف يتم تحذيره بالرسائل الخاصه
وسامحوني اذا كنت شديد معكم بالقوانين بس من باب اني لازم انزل هالقوانين بالمنتدى وادريبكم موب انتو الي تنحطلكم قوانين حبايب قلبي
] قوانين قسم الوناسه [ 
العرض العادي
