هلا والله ببنياتي الحلوات اللي ما تزوجوا
تخيلوا ......

بدخل بالموضوع على طول وبدون فلسفه ولا تميلح



لاا وبعد هالمره موضوع جاد ::



ودي اتكلم بجد والله عن موضوع الخطوبه والملكه للبنات وانشالله بالحلقه القادمه نتكلم عن الشباب

<<< طالع بالاخباريه على غفله ::



الزبده

نصيحه مهمه للبنات الي الله ماكتب لهم نصيب للحين

تبين تتزوجين ؟

بسيطه جداا جدا
اولا حددي وش نوعية الزووج الي تبينه ؟

تبين عاقل او ملتزم او محافظ او تقليدي ؟

<<< كثر منها تقليدي

او تبينه متفتح او دويشر او فريي

اهم شي لااازم تروحين للزواجات والمناسبات اي بطاقه تدخل بيتكم روحي حتى لو زواج تكارنه

مع احترامي للتكارنه

اذا تبين زوج محافظ خلي لبسك طويل وبدون فتحات وشخلعه

وشعرك لازم يكون طويل شوي واذا بتخلينه جدايل احسن شوي واي عجوز تشوفينها سلمي عليها وحبي راسها وسوي عندها سناعه وكل شوي مري من عند امك واجلسي جنبها ويمه تبين شي تحتاجين شي ؟ ومن هالبكش

طبعا امك بتطير عيونها ميب مصدقه بس ميب مشكله اغمزي لها وقولي افهمك بعدين هههههههههههه

صدقيني العجايز يخقون عندك ويروحون لعيالهم ويمدحونك حتى لو انك شينه وتخوفين من البشاعه وكل وحده تقول الحق لا تفووت

واذا انتي تبين متفتح

بالغالب هالنوعيات تجي امهم زاحفه وتقدر الشخلعه والتنكس والرقص وشغل التغميز

البسي مشخلع واهم شي الظهر طالع والفتحات من كل الجهات وضيق وانتم ادرى مني بشغل اللف والدوران

ومن اول ماتبدى الطقاقه تحمي الطيران خليك جاهزه

وانتبهي من الطقاقات البويات

تراهم مايوفرون احد هالاياام

حركات الدخان بدورات المياه والترقيم والمدري وشو خليها عنك كانك ناويه زواج

المدري وشو = كلمات مشفره

وكانك ناويه دشره مشكلتك بس على الاقل خذي الرقم من بويه تستاهل موب تكرونيه توحش الجن

سمعت انه يجي منهم شي مرتب ومتعوب عليه

<<< عليكي نصايح انتي ووجهك

لو تشوفها ام الولد وهي ترقمك يمكن تعنسين طول عمرك

عشان طقاقه

ومن زين وجهك بعد تعنسين

المهم تنكسي وتميلحي وطامري واذا فيه امكانيه للاستنزال يكوناحسن .. وكل مابين اغنيه واغنيه انزلي وخوذي لفه عند الكراسي الي قدام على بالك تدورين امك والا احد وخليك جاهزه بأي وقت للترقيمه منهم ... خلي رقمك بيدك وانتبهي من الهيئه لوووول

سويها وصدقيني راح تدعي لي

<<< من زين كلامك تدور دعاوي ؟

وفيه بعد شي مهم

اخوانك الصغار اولاد وبنات
الي خواتها الصغار شعورهم طايره كنه ماسكهم كهرب ولهم 6 اسابيع ماتروشوا تراهم يخربون سوقك

عشان كذاا زبطي شعورهم وامليها شباصات ولا تجيبين العيد بالالوان ولبسيهم شي حلوو ونبهيهم لا يكلمونك بالقصر ابد

الا اذا كانوا اقمار وخفيفين دم تميلحي فيهم وارقصي معهم

والشي الاهم اخوانك الصغار
انتبهي لا يدخلون القصر ويلعبون حبشه ويتميلحون ويتهيبلون

حبشه = مدري وشي بالعربي بس انهم يتلاحقون بالقصر

ويدخلون العشاا ويحطون بجيوبهم بيبسي وتشوفينه كنه ماشاف نعمه بعمره كله وهو البيبسي مالي ثلاجتكم بس كذاا

واذا شاف له بنت حلوه قام يستعرض قدامها ويجلد باقي المبزره
وخصوصا اذا كان مقروود وشين

حاولي باخوك الكبير ياخذهم معه للرجال

ولبسيهم زين وخليهم مرتبين
عشان اذا شافوهم شينين بيقولون البنات زيهم شينات بس مرتبات
شي احسن من ولا شي

والا صدقيني بتعنسين بأسباب اخوك الصغير لووووول ::

... نجي لمواصفات العحايز ذولي

المحافظه تكون حاطه ميك اب خفيف [/COLOR]وممكن تكون مانزلت عبايتها حتى وتستحي وتناظر بطرف عينها وتحاول تجلس جنب وحده بثره عشان اذا ماعرفت بنت ترسلها تسأل لها

اما المتفتحه تجيك عجوز حاطه فل ميك اب وكعب عالي ومن يبدى الرقص وهي متكيه قدام وسعابيلها تقطر على الرقص وراسها يهز طربانه وتلقينها توزع ابتسامات وتاكل البنات بعيونها وعينك ماتشوف الا اللقافه [/
]وكثر الاسئله
......

نجي للخطبه

اذا جا الولد يشوفك

اهم شي لا تحطين فول ميك اب وتبالغين بالميك اب

لان الميك اب الزايد يحير الولد ويبدى يشوف جمالك مصنوع اكثر من ماهو طبيعي ويبدى يشك بجمالك ويختفي بعينه جمالك الحقيقي

ان وجد جمال طبعاا لوووول::

اغلبكم مقاشع تخوفون البزارين بسم الله علينا لوول

بالعكس حاولي انه يشوفك بشكل اقرب للطبيعي عشان بعدين يدوخ عندك بالميك اب ويجي على خشمه مضبوط

لا تحاولين تناظرينه كثير ترى بعضهم يسوي ذكي ويفهم انك قليلة حيا

اذا فيه امكانيه شوفيه وهو داخل مع الباب او من غرفتك وهو بالحوش او اي طريقه ثانيه

ماعلمكم كيف .. ان كيدكن عظيم


اذا الله وفق وملكتوا وبديتوا المكالمات

اذا قام يستهبل ويسوي خفيف دم واللمبي على غفله خليك ثقيله شوي

لا تبدين تستهبلين وتجين معه بالهبال والا تضحكين من اخر بطنك كن فيك جني

ترى الاولاد مايحبون هالنوعيات من البنات

لا .. استغليها ووزعي ضحكات رقيقه فيها دلع وتميلح عشان يغمى عليه على طوول وطبعا نصكم موب عارف يضحك برقه

خصوصا كانه ما تعود على المكالمات والغزل بتلقينه يسعبل على جواله ويتشقق ويحس انه محظوظ فيك

ومايدري انك مصيبة المصايب وخساره على الفاضي

وبعدين اذا بغيتي تدقين عليه لا تدقين وتسكرين
دقي عادي وماعليك بالاخير هو بيسدد الفاتوره

على قولة المثل الشهير =مرد الاصلع لبياع الطواقي::

خصوصا الاخوات المتعودات على هالحركه

اهم ماعليك بعد العشااا خلي جوالك بالشاحن عشان الساعه 11 يكون جاهز للرضاعه

واهم شي وانتبهوا له كلكم اولاد وبنات

اذا سألك الطرف الثاني عن ماضيك لا تسوي مخلص بزياده ورومانسي وتكب عفشك لا تقول له حتى لو كانت اشياء تافهه

مع ان اغلبكم ماضيه راااايح برجل امها لوووول

لا تفتح مجال لهالنوعيه من السوالف

حتى لو قال لك انه مايهمني الي راح وزي هالكلام

صدقني ماراح ينسى اي اعتراف حتى لو كان بسيط

ويمكن لا قدر الله يكون باب وينفتح للشك وانا اشوف احسن شي الواحد يبعد نفسه الاشياء الحساسه

وحتى احسن مايكثر مكالمات (كثر السلام يقلل المعرفه)

الا بالقدر الي يخليكم تحسون انكم مناسبين لبعض وبعدها هدوا اللعب شوي وخفوو مكالمات اذا قدرتوا

بتملون من وجيه بعض

لاحقين على الغثا وعوار الراس

وبس

.......
الحمد لله خلصت
عاد يالله وانا جدتكم وروني شطار