السلام عليكم ورحمة الله وبركاته

هل الطيبة ميزة ام عيب

سؤال يطرح نفسه قرأت العنوان ده فى منتدى من المنتديات وحبيت انقله لكم ونفكر فيه هنا مع بعض لعلنا نفيد ونستفيد

انا هبتدي برأي:

الطيبة نفسها بمعناها السليم محدش يقدر يقول عليها انها عيب

..... فالانسان الطيب لا يعنى انه مش فاهم الدنيا ازاي

بس دلوقتى اللى حصل : ان المصطلحات اتغيرت وليس المعايير

يعني الطيبه لسه ميزة ..... بس بمعناها الصح ... انما معناها دلوقتى ان الانسان بكل صراحة اهبل بياخد على دماغة وهوة ده اللى عيب فعلا
حتى شوف الرسول صلى الله عليه وسلم وهوة بيعلمنا " المؤمن كيس فطن " ..... فلا معنى لإيمان بدون فطنه وحنطه ومعرفة بما يدور حوله .......

لان ناس كتير بتخلط بين التدين وبين الطيبه بمعناها دلوقتى يعنى تسمع يقولولك " دا متدين وعلى نياته " فدا مش مطلوب

و مش هوة دا التدين


دا راي وكنت احب اسمع رأيكم

و جزاكم الله خيرا