قــــصيدة جميلة للشاعر / فهد المفرج ابو مشهور
انا داري واداري وانت داري @@ عن جروحي وظرفي وانت تداري
ولكن التغلي فيك عاده @@ وانا مليت من طول انتظاري
تسمع قول عدواني وتزعل @@ حذاري يابعد عمري حذاري
ترى العدوان نيتهم خبيثه @@ يجيبون الغداري بالقماري
تأكدقبل ماتزعل عليه @@ تثبت مثل مسلم والبخاري
الا ياطير صيدك لي تردى @@ علامك وانت صياد الحباري
انا والله خطير(ن) ومتولع@@ وجارلي من الاحباب جاري
وعيني ماتنوم الليل كله @@ سهير الطرف وتهل العباري
انا اللي مابقالي الا ثواني @@ من مجافك واستدعي الطواري
يشوفون العلاج اللي يناسب @@ قبل يكشف علي الاستشاري
انا عارف من اشكيله همومي @@ الا من صارت الدعوه اجباري
اشاكي من يعرفون الموده @@ مثل عزام ولا ابو مشاري
ارجع للي انتخيتبهم شفوني@@ ارجع لاني افتخر فيهم واماري
ابشكي عندهم ظبي ظلمني @@ رماني بالمشوك والتواري
وخلاني طريح(ن) في حباله @@ اصوت مير مالي من مجاري
عليه الله واكبر كل ماجاء @@ مع العذال له ذكر(ن) وطاري
لعبي لعبه الكوره وسجل @@ هدف محسوب في بابي كوباري
لعبي لعب تاريخ البطوله @@ وذا صوت البرازيل انتحاري
يتل القلب مني تل طايش @@ الا من تلله جيب(ن) سفاري
مدلل واعذابي من دلاله @@ على فرقه قلوب الناس ضاري
غزال(ن) شايف نفسه علينا @@ تقول مرشح للمنصب وزاري
وله حق يتدلل ويتكبر @@ مادامه للجمال اصبح يداري
ولي حق اشتكي مادام @@ قلبي يحب الزين رغبه واختياري
وختم الشعر صلى الله وسلم @@ على محمد عدد رمل المذاري
اسمع القصيدة بصوت الشاعر
،، القصيدة بصوت طفل ولحن جميل وارئــــــــــع ،،
++ اتــــــــمنى تعجبـــــــــــــــــــكم ++