منتديات الساري - عرض مشاركة واحدة

07-23-2008, 11:58 AM

بسم الله الرحمن الرحيم

السلام عليكم ورحمة الله وبركاته

قصيدة / " لو " ـ لشاعر مهاجر حمدان مطلق الرويلي
ــــــــــــــــــــــــــــــــــــــــ ــــــــــ ـــــــــــــــ

((( لو )))
ـــــــــــــــــــــــــــ

لو للشتا رحمه رحم عاري الناس.
ولو للوفا سلطه قتل خاينينه!

ولو للشجرقدره على حامل الفاس.
ماكان تلقى بالبشر قاطعينه..

ولو الغلا في كل الاحوال نبراس.
ماشفت كذاب البشر فاقدينه..

ولو الزمن وافي مع الناس ماداس
روح الشباب وموته في سنينه..

ولو البشر في مدة اليد تنقاس.
ساد الكريم وهالبشر تابعينه..

ولو للخطأ في دربنا صوت واجراس.
ماشفتنا باقدامنا دايسينه..

ولو الأماني تطرد الحزن والياس.
ماشفت بين الخلق نفسن حزينه..

ولو السوالف تكشف أنجاس الاجناس.
ماصرت تشكي من رفاقه غبينه..

ولو البخيل بزفرته يشهر إفلاس.
يموت وانفاسه بصدره سجينه..

ولو السراب بشوفته يروي انفاس.
ماشفتنا في وقتنا لاعنينه..

هذي أماني واحد عاشر الناس.
أوفى لناس وشافهم خاينينه !!!

........................................ ...............................