كذا تقسى على قلبك وتهجـر واحـد(ن) يغليـك
كِذا ترحل وتتركنـي ولا كنّـي مـن أحبابـك..!!
وانا اللي يـ [خَطَا عمري] دفعت العمر لَجْل أشريك
واجيك من الوَلَهْ ميّتْ وتَسْأل[خير وشْ جابك]..!!
حسافة..كل لحظة عشتها في هالزمـان أرجيـك
حسافة..كيف صدّقْتك و/سكّيْن الغَـدر/ نابـك..!!
ألا يـ[اكْبَرْ ذنوبي].. لا تَحَسْبِنّـي بَجِـيْ وادْعيـك
توكّل عن دروبي/رحْ/ عساه يطـوّل غيابـك..!!
حرام أكتب قصيدي فيك.. وانثر دمعتـي وابكيـك
واظل أمشي على دربك وانا جرحي من أسبابك..!!
بكَفِّنْ بالجفا ذكـرك وبادفـن بالهجـر طاريـك..
وبنْحر بالوفـا حبّـك وبشْرب[دمعـة أهدابـك]..
والى مني ولهتك..قمت اضمّ الحزن قبـل أرثيـك
وسلّمْت الرجا للياس..وارخيتـه علـى بابـك..
على الله بشتكي همي وجرح(ن) من يدك واشكيك
وبرسل آخر أبياتـي عساهـا تطفـي عتابـك..
مدام انك رحلت [أَبْشِرْ] بمن هوْ للزمـن يرميـك
عشان اتْعرف وشْ معنى [تصدّ وتفقد أَحْبَابك]..!!
دمتم بكل خير
بقايا عشق