ليت يوم صدف لي مافتح موضوعه......
ولافتح باب النقاش وحاول اغرائي......
يوم جاني يحسب اني فارح برجوعه....
مادرى انه مايمثل شئ من اشيائي......
شفت بعيونه اساه وسدلت دموعه......
كانت اخر فرصه بدرب الندم لارضائي......
يحسب انه مثل الاول جاء يشب شموعه....
مايعرف ان القرار يحل بستثنائي......
قلت روح ورايتك ياصاحبي مرفوعه......
حتى لو كان الحضور دواي عطني دائي.......
دام تقديم المصالح غاية مشروعه.......
لازم احسب لاصدقائي قبل غدر اعدائي.......
كان ربان الخفوق وكلمته مسموعه......
كن ربي حط حبه عضو من اعضائي.....
عقلي وقلبي وجسمي نالها مجموعه........
صار يجمعها وينثرها كذا عشوائي........
وكنت اقول ان الحكي بشفاه يفرق نوعه........
ماعليه الا يسولف واحضر باصغائي........
مادريت ان النفوس اهوائها متبوعه.......
لين شفت اهواء نفسه بعثرت اشلالي.........
ومادرى عن كل غلطه ترتكب مطبوعه.......
ليت يوم انه هجر مافكر بايذائي......
ومايعرف ان الجواهر من حجر مصنوعه......
يعني ارجع لاصلها تفهم هدف ايحائي.......
لين قلبي من شقاه اقلق هدوء ضلوعه.....
وابتديت احفزصمودي واجمع لاجزائي.....
ولاعرفت ان السهر باب الشعر واللوعه........
لين ذليت القصيده هذي بامضائي.......