احمد اللي جاب ليه من اهل جده هنوف
ــــــــــــــــــــــــــــــــــــــــ عقب ذقت من الزمان الشين لوعه واكتئاب
.
جيت حب وجات حب وقلت انا قد الظروف
ــــــــــــــــــــــــــــــــــــــــ افتحي باب الغلا وافتح لحبك الف باب
.
وانفتح عرش الضماير دون مجمول الوصوف
ــــــــــــــــــــــــــــــــــــــــ وسكنتني ماسكن غير الغلا معها زهاب.
.
يابعد روح المعنا فيك هالقلب معسوف
ــــــــــــــــــــــــــــــــــــــــ احفظه يحفظك ربي من جهنم والعذاب
.
واحرقي صفحته اللي كلها مشروع خوف
ــــــــــــــــــــــــــــــــــــــــ وافتحي صفحات حبٍ مايجي فيه ارتياب
.
ودي المك واضمك ياحنون وياعطوف
ــــــــــــــــــــــــــــــــــــــــ لين احس بكل عرقٍ من عروقي فيك ذاب
.
لين يخلط دمي بدمك علشانك تشوف
ــــــــــــــــــــــــــــــــــــــــ كيف حبك في عروقي صار ينساب انسياب
.
عاد تدري استمع فاللي تبقى من حروف
ــــــــــــــــــــــــــــــــــــــــ ودي ابين واوضح كل سطرٍ فالكتاب
.
والله اني لاذكرتك قلت يالله ياروؤف
ــــــــــــــــــــــــــــــــــــــــ احفظه يارب ليه واكفني شر الغياب
.
واحرسه من كل عين وجنبه كل الصدوف
ــــــــــــــــــــــــــــــــــــــــ واجعل ايامه سعاده ياعزيزُ ذو الجناب
.
من عرفتك والله اني صرت في حبك شغوف
ــــــــــــــــــــــــــــــــــــــــ من عرفتك والليالي همها اصبح سراب
.
من عرفتك والشتاء في دنيتي ماله كفوف
ــــــــــــــــــــــــــــــــــــــــ من عرفتك والتعاسه نجمها ولا وغاب
رحاال