كل لحظه عشتها أنت بخيالي
ماتفارقني وحتى وانت غايب
وش ابي في الناس ما دامك قبالي
يابعد كل الاهل واغلي القرايب
مسكنك في القلب وانت اللي في بالي
انت همي يا بعد كل الحبايب
انت محبوبي ولا غيرك طري لي
تحمل اشواقك نسانيس الهبايب
من عرفتك يا حبيب الروح تالي
صار كل الوقت في ذكراك طايب
آه يامحبوب يا ذيك الليالي
جت على ما اريد مافيها مصايب
انت يا غالي تراك اللي بقي لي
لو ازيد القول مافيها غرايب