السلام عليكم ورحمة الله وبركاته
كتبت هذه القصيده البارح وكملتها اليوم وانا راجع للقصيم
وانتم اول من يطلع عليها .........
ياالله ياللي بالسماء فوق عالي
ياواحد(ن) ماغيره انابيوم(ن) رجيته
انك تسهل أموري وتحقق آمالي
وترزق كل عبد يارب على قد نيته
وتوفق كل من على القلب غالي واطول بعمر ابوي وتيسر له دنيته
وامي تخليها لي ولاتحرمني حياتي اسعى لرضاها وبالروح انا فديته
وتنجينا يارب من هالدنيا وبلاويها وترضي من زعل علي وانا ارضيته
يبتسم وداخل القلب للكره مجالي ارضيه ولو يبي أي شي انا عطيته
يارب الطيبه مني وفيني وساسي ولاعيب الرجال اليوم إلازود طيبته
أحاول اقسى لاكن قلبي راسي مثل الجبل ماحركته يالعل وياليته
وكل ماضاق صدري شلت افراشي وسريت يم بر(ن) كل ماضقت جيته
اجمع من الحطب واشب انا ناري وكل ضيف(ن) يمر من دلتي قهويته
اذكر وانا صغيرمع ابوي كنت ماشي للصيد ودمعت(ن) من الخوف خبيته
من ظلمة الليل وفي خلى خالي اول يوم لي بالبر واقول وياليته
مايعود ويذن ابوي الفجر وينادي قم ياأوليدي....الماء لك تراي دفيته
عندي امل بالرجعه لاكن ناسي باقي لنا يومين كل شين رضيته
وبدا يعلمني كيف ارمي وكيف اقادي اشوف الهدف لاكن عجزت اصيبه
مره بعد مره وهديت اعصابي ماخيبت ابوي وهالمره مااخطيته
كانت بداية حبي للصيد والصحاري والدروب الكايده برجولي مشيته
ودروب المرجله امشيها ولاأبالي من حبني اوانا من في يوم حبيته
من هواني او كنت انا له هاوي من نساني او انااللي اليوم نسيته
من عنى لي او انا جيتله عاني من ضحك بي يوم وبالقهر بكيته
من كانت ورده نابته في بستاني من زعلته ورجعتله بطيبتي وراضيته
من غرد بمسمعي اجمل الحاني من كان على يدي في يوم ربيته
بأختصار ارتاح وأقفل حتى جوالي واطرد ورا الصيد وكل شين نسيته
ورا ضهري وطريقي اشوفه أمامي وانسى كل شي او اسوي إني نسيته
واذا رجعت تجدد ماضي أحزاني وأقول ياليتني بالبر والديره ماجيته
يارب ان انسان على قد حالي يارب راضي بعيشتي والفرض صليته
بارن بوالدي ولاعشت بيوم مهاني رافع روسهم فوق ماأذكر اني حنيته
محبوب عند الجميع وعالين شاني اخاوي ارجال وإلا الردي جنب خليته
احب الجمعات ولاني إنسانن إنطوائي حسو بي سبة قلب(ن) بالقلب خبيته
وصارو يقولون وش كثر هو يعاني ودهم يساعدوني ولا واحد فيهم ناديته
خلوني اعيش معكم كريمن بأبتسامتي سعيد مانفترق وإلا الحسود جرح(ن) كويته
هذا قصيدي وانا بالخط ساري لا ماوقفت ابد ولاشين شريته
نيتي القصيم ومعي حبري وقرطاسي وكل عزيز اذكر والباقي طويته
هذا يمر ويذكرني بجميل ايامي وهذاك يمر وادعو ان الله يفرج مصيبته
وقرب لقاي بأهلي وقلبي وناسي والخط بتعبه وهمه أكيد اني نسيته
وهذي القصيم منوره اشوفها أقبالي ببريده وعنيزه ورياض الخبراء فديته
والرس والبدايع وللبكيريه سلامي وعيون الجواء ديرت(ن) ابد مانسيته واختم ابياتي على النبي الهادي اللي وصانا بالأيمان وكلن نفذ وصيته وسلام لكم من حربي بالوفاء وافي ويسامحني اللي ماذكرته سهوانسيته من آخر اشعاري.............الحنووون[/COLOR]