ابدا بذكر اللي عليه اتكالي
الله ولاغير الله اشكي له الحال
يالله ياوالي على كل والي
يامنشين باعلا السماء مزن وخيال
ترفق بحالٍ من عنا البعد بالي
ذاق المصايب كلها الوان واشكال
مابين غرب المملكه والشمالي
اقضي حياتي دايم الدوم رحال
كله سبب شخصٍ ليا من طرالي
قامت دموعي فوق الاوجان تنهال
عامين صابر صبر فوق احتمالي
عامين فيها شفت انا كل الاهوال
امحال يصبر من فقد شخص غالي
يصبر على فرقا محبينه امحال
ودي بشوفه مير مالي مجالي
بيني وبينه جاير الوقت قد حال
شوفه محال ولايجي فالخيالي
دونه تحطم داخلي كل الامال
لو كان شوفه ينشرى بالريالي
والله ماذخر دونها كل الاموال
لكن شرع الحب مافيه مالي
مافيه ياكود العنا والتبهذال
لاصار مابيني وبينه وصالي
ولاصرت يأس منه في كل الاحوال
احسن لي انسى وقتي الي مضالي
وانسى زمانن كنت انا فيه رحال
عسى السعاده في جديد الليالي
وعسى التعاسه ماتجي لي على البال
بقلم رحاال