مرة كنت طالعة لستي بلازا .....عشان ابغى اشري هدية لأم صديقتي <<<<((ياشين القراوة لكشخوا))) المهم ماعليكم ....حرة ام صديقتي ابو صديقتي مالكم دخل فلوسي اناوحرة فيهم .. اللي صار المحل كلة تحف وخرابيط صغار وكلش قزاز ومرايات يعني الدنيا كلها تبالص مامداك تمسك شئ إلا هو منكسر <<<<<<<يعني نوع من التبريرات المسبقة للحدث((اولم العصابة قبل الفلقة )) اعجبني طقم عبارة عن نافورة صغيرة على شكل تمثال حوت يطلع من افمة ماء ...ومعة ملحقات ثانية يجن حول الثلاث مية ريال... جاز لي مرة ومير اضطر اني اقلبة عشان اشوف السعر كم ((تراني حريصة على القرش والقرش يعني الفلوس مهب قرش الي يقرب للحوت )) يوم قلبتة عشان اشوف السعر وتنكسر شلقتين على الارض... ومير تطير عيوني مادري وش اسوي المشكلة ....كفشني واحد وشافة وهي منكسرة يعني ماقدر اهج ....ياربية مادري وش اسوي:confused: المهم قلت خلني اسوي روحي كشخة وانادي العامل ولاكني مهتمة عشان يشيلة ويحطة لي بكرتون لاني ابغى اشريها ...((يعني حركة تصير بدال ماهي واحد.... ثنتين وحدة لام صديقتي وحدة لبو صديقتي)) راح وحطها لي بكرتون وقلت جب لي باقي الطقم دام الدعوى خربانة خلنا نشري باقي القطع اللي عندهم ... راح جاب لي الباقي وغلفهم وكلش يعني طلعنا من المأزق من دون فشايل ....((لاتخافون تتجي الفشيلة صدق )) المهم وافتح شنطتي عشان اطلع بوكي عشان احاسب .....:confused: ياناس ياناس .......مالقيت بوكي .....طلعت ناسيتة بالبيت من الخبة عشاني كنت ابطلع قبل ماتدري عني اختي وتنشب بحلقي الا ابغى اروح معك .... طيب وش اسوي .....ومير القى بطاقة الصراف ..... الله من زين ذي البطاقة ...مهب لله جادعتة بسط الشنطة ولا غبيتة في البوك ..تدرون ليش ... منتهية لة سنة ...... طيب يالله وش اسوي ....المشكلة غصب عني لازم اشرية لاني كسرتة يعني مافيها كلام ... ايوة وجتني فكرة خلني اروح اتسلف من السواق فلوس اغدية يصير معة شئ يرفد ... واروح للسواق واقولة ياخي بسرعة عطني فلوس وإذا وصلت للبيت احاسبك ... طلع المملوح مامعة إلا خمست اريل ...<<<<وذي تراها حركة مقصودة عند السواويق عشان مانخذ منهم جعلنا مانشحذتهم المهم صرت في موقف يالله ....لااحسد علية ... تدرون وش سويت .... ؟ ؟ ؟ ؟ ؟ ؟ ؟ ؟ ركبت السيارة وقلت للسواق افحط يمال للي مانيب قايلة ... وهجيت وعيون بس تلفت لايصير احد من حقين المحل لحقني >>>>متأثرة بالافلام... واروح للبيت واصيح اصيح اصيح اصيح اصيح اصيح .........الخ لما طلع مخي .... تدرون ليش اصيح ؟؟؟ لاني احب هذا المحل مرة واخاف اروح مرة ثانية يكفشوني ويودوني الشرطة .... وياغبيي مير اتذكر اني البس عباة يعني مافية امل يعرفوني ... بس مجرد غيرنا طريقة اللبس وبس ... بعدها صرت إذا رحت لنفس المحل واشوف المكان اللي كسرت بة التحفة .... اقول ..... الله يعز الحكومة .....لا قصدي العباة ... والله ياله منافع ........................................ .......... ............................شي شي واللحين يجن هالبنات منهبلات يبغن يفسخن العباة ....ولله ياهن دبش ....لو وحدة صار لة موقفي كان تتوب تقول ابغى افسخ عباتي ... وهذا اضافة إلى بعض المنافع الاخرى ...وليست منافع بكثر ماهي منيفعات ... يعني اطلع بقميص البيت لوهو وسخ ولا مكياج ولا كد شعر .... يعني اطلع وانا مرتاحة من هاللخرابيط واقضي لزومي وارجع ماحد درى من انا .......مايقولون شفنا بنت فلان بالسوق او شفنها طالعة من المطعم تزرط ...ولا شئ ... هذا بعض من فيض منافع العباة ... وسلامتكم .. اختكم اللي تحبكم وتحب الغطاء ... 0 0 __________________ مع حبي صقيقة بنت القصيم