فيني سؤال وخاطـري كلـه اجـراح
أسأل سؤال وعنـد غيـري جوابـه
سؤال صعب اخشى مأسيـه لـو راح
جهل السؤال أصعب بذيـك المهابـه
ياغيمة العشاق والوصـل واجـراح
وشلي بوجهٍ غـارقٍ فـي حجابـه
ياغيمة الماضي عنا الروح لو صـاح
ماينسمع والوصـل فاقـد صوابـه
لونجتمع ياغيمـة الصيـف نرتـاح
ونحس نبض الجوف رغم انسيابـه
مير ان غيمـة خاطـري برقهـا لاح
شرق البـلاد ومزنهـا فـي ثيابـه
واروت عطش غيري وانا الي لها راح
غريب وضعي ما صفالـي شرابـه
وانا غريب وعطر شوقي لهـا فـاح
مير البلـى قطـع جسـور القرابـه
اباسئلك عن قلبي الـي لـك ارتـاح
عـادك تحبينـه بذيـك الصبـابـه
والا نسيتيني علـى ضـو الاصبـاح
مع ليل همي كـل عزمـي سرابـه
اباسئلـك والقلـب بالهـم ســواح
انتـي هنـات القلـب والا عـذابـه
انا مـن الواقـع تناسيـت الاربـاح
مادام قلبي عـاش وسـط الذيابـه
اباسئلك والقلب فـي هـم وصيـاح
انتـي وسـط عينـي بليـا غرابـه
وانا الغريق الـي ينـا ديـك سبـاح
امـا حميـت القلـب والا غـدابـه
لاتامنيـن الوقـت والوقـت ذبــاح
أهل دمعـي مثـل وبـل السحابـه
واسجلك مع ضحكة الوقـت وارتـاح
قبـل الدمـوع تعانقيـن التـرابـه
وافك مـن يمنـاك يمنـاي واجتـاح
كل القصيـد الـي غـرورك رقابـه
واضحك من الفرقا لو الوقت جـراح
ماهمنـي لوكـان وقتـك تهـابـه
لاتعذلين القلـب عـن نظرتـك زاح
ماعاد احس وهـم قلبـي سطابـه
مجروح أنا مجروح والزيـن جـراح
مات الغريـب وهـاك ذكرى عتابـه