أمحـذرك مليـون مـرة ولا فـاد
منهم وصرت اتطيعهم وتعصانـي
كم قلت لك فقلوبهم غـل واحقـاد
وأنت أتحسبني يا حبيبـي أنانـي
غروك فهروج القفا وصرت منقـاد
فدروبهم ماعـاد لـك درب ثانـي
وأصبحت أنا وياك في حرب وجهاد
وشنيت لك غارة وهدمت المبانـي
وأطفيت حبً في حشا الجوف وقاد
واحرقت قلبً كان ينبـض حنانـي
يوم انكشف لك كذبهم وش تبي عاد
ما تشوف حالك من سببهم تعانـي
مليت وإللي صار ما هـوب منعـاد
في ذمتي إنك صرت غلطة زمانـي
خلاص أبرحـل لا ترجيـن معـواد
ماهو عشانك يوم أقفـي عشانـي
بقلم الشاعر ... سعود بن محمد ..
وســــلامـــتـــكم