ياهيه يااللي قلبها مفتوح للنـاس اجمعيـن
تحب ذا وتحـب ذا كـل الرجـال احبابهـا
.
.
هذا وهي باقي بَزَر ياكيف في تالي السنيـن
ماوفـرت كـل البشـر اقرابهـا واغرابهـا
.
.
اثر الردى في قلبها حي ٍ وله عـرق ٍ دفيـن
تلبس ثياب النكـرة حتـى تغـش اقرابهـا
.
.
جوالها دايمْ وهو شغـال فـي حالـة رنيـن
وعالماسنجـر لاتسـل ياكثرهـم اصحابهـا
.
.
بالله يابنت الـردى بالله قولـي وش تبيـن
هذا هَوَس والا لعَب فعلتك ويـش اسبابهـا
.
.
الى متى وانتي على ذا الحال والفعل المشين
ايلين تأكلـك الذيـاب وتجرحـك بانيابهـا؟
.
.
الجوهرة تلقينها محفوظة ْ بحصن ٍ حصيـن
عن الطيور الجارحة وعـن شبـا مخلابهـا
.
.
والقطعة اللي طايحة تغري السروق وكل عين
خصوصْ في هذا الزمـن ياكثرهـم طُلابهـا
.
.
نصيحتي ياجاهلـة ان كـان ودك تسلميـن
كل الدروب المايلة صكي صروف ابوابهـا !