السلام عليكم ورحمة الله وبركاته::
ماأصعب تلك الحياة عندما تفارق من تحب..وماأشد صعوبتها عندما يحل القدر والقلوب في خصام..فلنبادر في التسامح وننسى كل خطايا أحبائنا...
أترككم مع الكلمات :: ( وأتمنى أن تفرحوني بردودكم)..

رجــــع يسأل عن أخباري بعد غيبة سنه وشهرين
..رجع شايل وجع صدره وقال أرجوك واسيني

رجع كنه يحسبني سعيد بدنيتي أو زين
. وإهو مـا يدري الدمعة لو تراخت تسليني..

دمع.هالوجه..كنه جمع في غيبته جرحين
.. وأنا عيني بدت تدمع على حزنه وتبكيني..

يقول الدنيا خانتني وبعدك يا صقر سكين
ولا أحدن يا صقر غيرك يقدرني ويراعيني..

حبيبي ضقت بغيابك حبيبي حيل أنا مسكين
.. وأنا جيتك بهاليله وتكفـــــــــى لا تخليني..

و أنا.. لامن نطق (تكفى) عطيته لوطلب (هالعين)
..وأجود بكل ما يملك خفوقي وتملك إيديني..

وقلت: ابشر ولايهمك تدلل وش تبي يا زين
.. تراني فدوه عيونك (لو إنك جيت تشقيني)..

حبيبي لو تبي القمره عطيتك فوقها ثنتين
.. بعد لو تطلب النجمة أبنطق جيتك اضويني..

بعد هذا ضحك و..بعثرت همومه سلهم الرمشين
.. وقـــــال الله يا الطيب وأنا ظــــنيت ناســــيني..

صراحة.. حيل تحرجني يا طيب يا أطيب الغاليين
.. ولا ادري كيف بوفيلك حـــبيبي وأنت تعطيني..

بعد هذا تسامرنا وتواعدنا بعد يومين
. . ووصيته على قلبي وهو مثلي يوصيني..

تواعدنا على الجمعة ((ولا جاني ))إلى الاثنين
. ومر أسبوع والثاني وشوقي يشتعل فيني..

تصدق عاد يا السامع !!ولا جاني الين الحين
. وقبل تسأل عن أسبابه بجاوب ((وإنت واسيني))..

لأنه مــ ــ ــ ـات في حادث وأنا مت بغيابه لين
[[عرفت إني كذا ببــقى ولا أحــد يقوى يحــييني]]..