اقول اسمعني ولا تقاطعني
جابك الله من فراق ضيق صدور المباني
قبل لا الوحشه تزعزع بيتك الصلب وتبيده
بيتك اللي من رحلت وكل جدرانه تعاني
ماتحمل ينتظر شهرين وعيونك بعيده
الله العالم لو انك جيت متأخر ثواني
ما تشوف الا بقايا من حصاه ومن حديده
من عرفتك وانت تايه من مواني لي مواني
وتارك قلبي يولع من وقيده لي وقيده
ضاع عمري بس احد بها لليالي واتحداني
وانت لا تشبع فراق ولا تجاف النقيده
ودي اتحمد لك بالسلامه ما مداني
كل ما توصل من رحله ترجع برحله جديده
دام تدري كل وجه غير وجه الله فاني
يا اخي اكسب ثواني وخاف ربك في عبيده
كان فيني عيب قلي فيك العيب الفلاني
كان هجري مزعلك في شي قلي لا تعيده
لعنبوك ان مت بيدك وش يفكك من اخواني
لحزنوا ربعي غلي ومت شلي تستفيده
وسلامتكم